qalam mein zor jitna hai judai ki badaulat hai
milan ke baad likhne wale likhna chhoD dete hain

Shuja Khaavar

---

---

us bewafa ka shahr hai aur waqt-e-sham hai
aaise mein aarzu baDi himmat ka kaam hai

Shuja Khaavar

---

---

us ke bayan se hue har-dil-aziz hum
gham ko samajh rahe the chhupane ki chiz hum

Shuja Khaavar

---

---

us ko na KHayal aae to hum munh se kahen kya
wo bhi to mile hum se hamin us se milen kya

Shuja Khaavar

---

---

wasl hua par dil mein tamanna
jaisi thi waisi rakkhi hai

Shuja Khaavar

---

---

ya to jo na-fahm hain wo bolte hain in dinon
ya jinhen KHamosh rahne ki saza malum hai

Shuja Khaavar

---

---

ye duniya-dari aur irfan ka dawa 'shuja-KHawar'
miyan irfan ho jae to duniya chhoD dete hain

Shuja Khaavar

---

---

zindagi bhar zinda rahne ki yahi tarkib hai
us taraf jaana nahin bilkul jidhar ki sochna

Shuja Khaavar

---

---

hazar rang mein mumkin hai dard ka izhaar
tere firaq mein marna hi kya zaruri hai

Shuja Khaavar

---

---