kafi hai mere dil ki tasalli ko yahi baat
aap aa na sake aap ka paigham to aaya

Shakeel Badayuni

---

---

aap jo kuchh kahen hamein manzur
nek bande KHuda se Darte hain

Shakeel Badayuni

---

---

jine wale qaza se Darte hain
zahr pi kar dawa se Darte hain

Shakeel Badayuni

---

---

jab hua zikr zamane mein mohabbat ka 'shakil'
mujh ko apne dil-e-nakaam pe rona aaya

Whenever talk of happiness I hear
My failure and frustration makes me weep

Shakeel Badayuni

---

---

jaane wale se mulaqat na hone pai
dil ki dil mein hi rahi baat na hone pai

Shakeel Badayuni

---

---

har dil mein chhupa hai tir koi har panw mein hai zanjir koi
puchhe koi in se gham ke maze jo pyar ki baaten karte hain

Shakeel Badayuni

---

---

har chiz nahin hai markaz par ek zarra idhar ek zarra udhar
nafrat se na dekho dushman ko shayad wo mohabbat kar baiThe

Shakeel Badayuni

---

---

hum se mai-kash jo tauba kar baiThen
phir ye kar-e-sawab kaun kare

Shakeel Badayuni

---

---

hae wo zindagi ki ek saat
jo teri bargah mein guzri

Shakeel Badayuni

---

---