har chiz nahin hai markaz par ek zarra idhar ek zarra udhar
nafrat se na dekho dushman ko shayad wo mohabbat kar baiThe
Shakeel Badayuni
har dil mein chhupa hai tir koi har panw mein hai zanjir koi
puchhe koi in se gham ke maze jo pyar ki baaten karte hain
Shakeel Badayuni
jaane wale se mulaqat na hone pai
dil ki dil mein hi rahi baat na hone pai
Shakeel Badayuni
jab hua zikr zamane mein mohabbat ka 'shakil'
mujh ko apne dil-e-nakaam pe rona aaya
Whenever talk of happiness I hear
My failure and frustration makes me weep
Shakeel Badayuni
jine wale qaza se Darte hain
zahr pi kar dawa se Darte hain
Shakeel Badayuni
kanTon se guzar jata hun daman ko bacha kar
phulon ki siyasat se main begana nahin hun
Shakeel Badayuni
kafi hai mere dil ki tasalli ko yahi baat
aap aa na sake aap ka paigham to aaya
Shakeel Badayuni
kabhi yak-ba-yak tawajjoh kabhi dafatan taghaful
mujhe aazma raha hai koi ruKH badal badal ka
Shakeel Badayuni
kaise kah dun ki mulaqat nahin hoti hai
roz milte hain magar baat nahin hoti hai
Shakeel Badayuni