gham ki duniya rahe aabaad 'shakil'
muflisi mein koi jagir to hai
Shakeel Badayuni
gham-e-hayat bhi aaghosh-e-husn-e-yar mein hai
ye wo KHizan hai jo Dubi hui bahaar mein hai
Shakeel Badayuni
gham-e-umr-e-muKHtasar se abhi be-KHabar hain kaliyan
na chaman mein phenk dena kisi phul ko masal ka
Shakeel Badayuni
hae wo zindagi ki ek saat
jo teri bargah mein guzri
Shakeel Badayuni
hum se mai-kash jo tauba kar baiThen
phir ye kar-e-sawab kaun kare
Shakeel Badayuni
har chiz nahin hai markaz par ek zarra idhar ek zarra udhar
nafrat se na dekho dushman ko shayad wo mohabbat kar baiThe
Shakeel Badayuni
har dil mein chhupa hai tir koi har panw mein hai zanjir koi
puchhe koi in se gham ke maze jo pyar ki baaten karte hain
Shakeel Badayuni
jaane wale se mulaqat na hone pai
dil ki dil mein hi rahi baat na hone pai
Shakeel Badayuni
jab hua zikr zamane mein mohabbat ka 'shakil'
mujh ko apne dil-e-nakaam pe rona aaya
Whenever talk of happiness I hear
My failure and frustration makes me weep
Shakeel Badayuni