tere aane se yu KHushi hai dil
jun ki bulbul bahaar ki KHati

Shaikh Zahuruddin Hatim

---

---

sahiban-e-qasr ko milti nahin hai baad-e-marg
gor mein sar ke tale takiya ki jaga ek KHisht

Shaikh Zahuruddin Hatim

---

---

saqi mujhe KHumar satae hai la sharab
marta hun tishnagi se ai zalim pila shara

Shaikh Zahuruddin Hatim

---

---

sabr bin aur kuchh na lo hamrah
kucha-e-ishq tang hai yaro

Shaikh Zahuruddin Hatim

---

---

samajhte hum nahin jo tum ishaaron bich kahte ho
mufassal ko to hum jaane hain ye mujmal KHuda jaane

Shaikh Zahuruddin Hatim

---

---

sau bar tar tar kiya to bhi ab talak
sabit wahi hai dast o gareban ki dosti

Shaikh Zahuruddin Hatim

---

---

shahr mein charcha hai ab teri nigah-e-tez ka
do kare dil ke tain ye nimcha angrez ka

Shaikh Zahuruddin Hatim

---

---

shaiKH us ki chashm ke goshe se goshe ho kahin
us taraf mat jao nadan rah mai-KHane ki hai

Shaikh Zahuruddin Hatim

---

---

shama har sham tere rone par
subh-dam tak charagh hansta hai

Shaikh Zahuruddin Hatim

---

---