راس آئی کچھ اس طرح شبدوں کی جاگیر
شاہدؔ پیچھے رہ گئے آگے بڑھ گئے میرؔ

شاہد میر

---

---

ذہن میں تو آنکھوں میں تو دل میں ترا وجود
میرا تو بس نام ہے ہر جا تو موجود

شاہد میر

---

---

وہی سفاک ہواؤں کا صدف بنتے ہیں
جن درختوں کا نکلتا ہوا قد ہوتا ہے

شاہد میر

---

---

تجھ کو دیکھا نہیں محسوس کیا ہے میں نے
آ کسی دن مرے احساس کو پیکر کر دے

شاہد میر

---

---

تعطیلیں رخصت ہوئیں کھلے سبھی اسکول
سڑکوں پر کھلنے لگے پیارے پیارے پھول

شاہد میر

---

---

شجر نے لہلہا کر اور ہوا نے چوم کر مجھ کو
تری آمد کے افسانے سنائے جھوم کر مجھ کو

شاہد میر

---

---

شب گزری بجھنے لگا روشنیوں کا شہر
لوٹی ساحل کی طرف تھکی تھکی اک لہر

شاہد میر

---

---

شاہدؔ لکھنا ہے مجھے یہ کس کی تعریف
ڈرا ڈرا سا قافیہ سہمی ہوئی ردیف

شاہد میر

---

---

رونے سے اور لطف وفاؤں کا بڑھ گیا
سب ذائقہ پھلوں میں نئے پانیوں کا ہے

شاہد میر

---

---