dikhaunga tujhe zahid us aafat-e-din ko
KHalal dimagh mein tere hai parsai ka

Sauda Mohammad Rafi

---

---

dil ke TukDon ko baghal-gir liye phirta hun
kuchh ilaj is ka bhi ai shisha-giran hai ki nahin

Sauda Mohammad Rafi

---

---

dil mat Tapak nazar se ki paya na jaega
jun ashk phir zamin se uThaya na jaega

Sauda Mohammad Rafi

---

---

fikr-e-maash ishq-e-butan yaad-e-raftagan
is zindagi mein ab koi kya kya kiya kare

Sauda Mohammad Rafi

---

---

firaq-e-KHuld se gandum hai sina-chaak ab tak
ilahi ho na watan se koi gharib juda

Sauda Mohammad Rafi

---

---

gar ho sharab o KHalwat o mahbub-e-KHub-ru
zahid qasam hai tujh ko jo tu ho to kya kare

Sauda Mohammad Rafi

---

---

gar tujh mein hai wafa to jafakar kaun hai
dil-dar tu hua to dil-azar kaun hai

Sauda Mohammad Rafi

---

---

gharaz kufr se kuchh na din se hai matlab
tamasha-e-dair-o-haram dekhte hain

Sauda Mohammad Rafi

---

---

gila likhun main agar teri bewafai ka
lahu mein gharq safina ho aashnai ka

Sauda Mohammad Rafi

---

---