nasim hai tere kuche mein aur saba bhi hai
hamari KHak se dekho to kuchh raha bhi hai

Sauda Mohammad Rafi

---

---

nahin hai ghar koi aisa jahan us ko na dekha ho
kanhayya se nahin kuchh kam sanam mera wo harjai

Sauda Mohammad Rafi

---

---

na kar 'sauda' tu shikwa hum se dil ki be-qarari ka
mohabbat kis ko deti hai miyan aaram duniya mein

Sauda Mohammad Rafi

---

---

na jiya teri chashm ka mara
na teri zulf ka bandha chhuTa

Sauda Mohammad Rafi

---

---

mauj-e-nasim aaj hai aaluda gard se
dil KHak ho gaya hai kisi be-qarar ka

Sauda Mohammad Rafi

---

---

mat puchh ye ki raat kaTi kyunke tujh baghair
is guftugu se faeda pyare guzar gai

Sauda Mohammad Rafi

---

---

mai-kashan ruh hamari bhi kabhi shad karo
TuTe gar bazm mein shisha to hamein yaad karo

Sauda Mohammad Rafi

---

---

main ne tum ko dil diya aur tum ne mujhe ruswa kiya
main ne tum se kya kiya aur tum ne mujh se kya kiya

Sauda Mohammad Rafi

---

---

kya zid hai mere sath KHuda jaane wagarna
kafi hai tasalli ko meri ek nazar bhi

Sauda Mohammad Rafi

---

---