na kar 'sauda' tu shikwa hum se dil ki be-qarari ka
mohabbat kis ko deti hai miyan aaram duniya mein

Sauda Mohammad Rafi

---

---

'sauda' hue jab aashiq kya pas aabru ka
sunta hai ai diwane jab dil diya to phir kya

Sauda Mohammad Rafi

---

---

samjhe the hum jo dost tujhe ai miyan ghalat
tera nahin hai jurm hamara guman ghalat

Sauda Mohammad Rafi

---

---

saqi hamari tauba tujh par hai kyun gawara
minnat nahin to zalim targhib ya ishaara

Sauda Mohammad Rafi

---

---

saqi gai bahaar rahi dil mein ye hawas
tu minnaton se jam de aur main kahun ki bas

you plead with me to take a drink and I say no more

Sauda Mohammad Rafi

---

---

naubat-e-qais ho chuki aaKHir
ab to 'sauda' ka bajta hai nanw

Sauda Mohammad Rafi

---

---

nasim hai tere kuche mein aur saba bhi hai
hamari KHak se dekho to kuchh raha bhi hai

Sauda Mohammad Rafi

---

---

nahin hai ghar koi aisa jahan us ko na dekha ho
kanhayya se nahin kuchh kam sanam mera wo harjai

Sauda Mohammad Rafi

---

---

main ne tum ko dil diya aur tum ne mujhe ruswa kiya
main ne tum se kya kiya aur tum ne mujh se kya kiya

Sauda Mohammad Rafi

---

---