نہ چھوڑا ہجر میں بھی خانۂ تن
رگڑوائے گی کب تک ایڑیاں روح

سخی لکھنوی

---

---

رہتے کعبہ میں اکیلے کیا ہم
دل لگانے کو صنم بھی تو نہ تھے

سخی لکھنوی

---

---

رنگت اس رخ کی گل نے پائی ہے
اور پسینے کی بو گلاب میں ہے

سخی لکھنوی

---

---

قافلہ جاتا ہے ساغر کی طرف رندوں کا
ہے مگر قلقل مینا جرس جام شراب

سخی لکھنوی

---

---

پوجنا بت کا ہے یہ کیا مضمون
اور طواف حرم کے کیا معنی

سخی لکھنوی

---

---

نزع کے دم بھی انہیں ہچکی نہ آئے گی کبھی
یوں ہی گر بھولے رہیں گے وہ سخیؔ کی یاد کو

سخی لکھنوی

---

---

نقد دل کا بڑا تقاضا ہے
گویا ان کی زمیں جوتے ہیں

سخی لکھنوی

---

---

کیوں حسینوں کی آنکھوں سے نہ لڑے
میری پتلی کی مردمی ہی تو ہے

سخی لکھنوی

---

---

لی زباں اس کی جو منہ میں ہو گیا ذوق نبات
انگلیاں چوسیں تو ذوق نیشکر پیدا ہوا

سخی لکھنوی

---

---