is qadar KHali hua baiTha hun apni zat mein
koi jhonka aaega jaane kidhar le jaega

Rajinder Manchanda Bani

---

---

aaj kya lauTte lamhat mayassar aae
yaad tum apni inayat se baDh kar aae

Rajinder Manchanda Bani

---

---

hari sunahri KHak uDane wala main
shafaq shajar taswir banane wala main

Rajinder Manchanda Bani

---

---

din ko daftar mein akela shab bhare ghar mein akela
main ki aks-e-muntashir ek ek manzar mein akela

Rajinder Manchanda Bani

---

---

Dhalegi sham jahan kuchh nazar na aaega
phir is ke baad bahut yaad ghar ki aaegi

Rajinder Manchanda Bani

---

---

chalo ki jazba-e-izhaar chiKH mein to Dhala
kisi tarah ise aaKHir ada bhi hona tha

Rajinder Manchanda Bani

---

---

ain karti hui samton se na Darna 'bani'
aisi aawazen to is rah mein aam aaengi

Rajinder Manchanda Bani

---

---

agule us ke sar par chiKHte the
magar wo aadmi chup zat ka tha

Rajinder Manchanda Bani

---

---

'bani' zara sambhal ke mohabbat ka moD kaT
ek hadsa bhi tak mein hoga yahin kahin

Rajinder Manchanda Bani

---

---