ojh uThate hue phirti hai hamara ab tak
ai zamin man teri ye umr to aaram ki thi

Parveen Shakir

---

---

chalne ka hausla nahin rukna muhaal kar diya
ishq ke is safar ne to mujh ko niDhaal kar diya

Parveen Shakir

---

---

chehra o nam ek sath aaj na yaad aa sake
waqt ne kis shabih ko KHwab o KHayal kar diya

Parveen Shakir

---

---

darwaza jo khola to nazar aae khaDe wo
hairat hai mujhe aaj kidhar bhul paDe wo

Parveen Shakir

---

---

dene wale ki mashiyyat pe hai sab kuchh mauquf
mangne wale ki hajat nahin dekhi jati

Parveen Shakir

---

---

dhime suron mein koi madhur git chheDiye
Thahri hui hawaon mein jadu bikheriye

Parveen Shakir

---

---

dil ajab shahr ki jis par bhi khula dar is ka
wo musafir ise har samt se barbaad kare

Parveen Shakir

---

---

dushmanon ke sath mere dost bhi aazad hain
dekhna hai khinchta hai mujh pe pahla tir kaun

Parveen Shakir

---

---

ek musht-e-KHak aur wo bhi hawa ki zad mein hai
zindagi ki bebasi ka istiara dekhna

Parveen Shakir

---

---