pas jab tak wo rahe dard thama rahta hai
phailta jata hai phir aankh ke kajal ki tarah
Parveen Shakir
pa-ba-gil sab hain rihai ki kare tadbir kaun
dast-basta shahr mein khole meri zanjir kaun
Parveen Shakir
nahin nahin ye KHabar dushmanon ne di hogi
wo aae aa ke chale bhi gae mile bhi nahin
Parveen Shakir
na jaane kaun sa aaseb dil mein basta hai
ki jo bhi Thahra wo aaKHir makan chhoD gaya
Parveen Shakir
mumkina faislon mein ek hijr ka faisla bhi tha
hum ne to ek baat ki us ne kamal kar diya
Parveen Shakir
kya kare meri masihai bhi karne wala
zaKHm hi ye mujhe lagta nahin bharne wala
Parveen Shakir
ku-ba-ku phail gai baat shanasai ki
us ne KHushbu ki tarah meri pazirai ki
The news of our affinity has spread to every door
He welcomed me like fragrance which he did adore
Parveen Shakir
kuchh to tere mausam hi mujhe ras kam aae
aur kuchh meri miTTi mein baghawat bhi bahut thi
Parveen Shakir
laDkiyon ke dukh ajab hote hain sukh us se ajib
hans rahi hain aur kajal bhigta hai sath sath
Parveen Shakir