hath mere bhul baiThe dastaken dene ka fan
band mujh par jab se us ke ghar ka darwaza hua
Parveen Shakir
haarne mein ek ana ki baat thi
jit jaane mein KHasara aur hai
Parveen Shakir
gulabi panw mere champai banane ko
kisi ne sahn mein mehndi ki baD ugai ho
Parveen Shakir
ghar aap hi jagmaga uThega
dahliz pe ek qadam bahut hai
Parveen Shakir
gawahi kaise TuTti muamla KHuda ka tha
mera aur us ka rabta to hath aur dua ka tha
Parveen Shakir
ghair-mumkin hai tere ghar ke gulabon ka shumar
mere riste hue zaKHmon ke hisabon ki tarah
Parveen Shakir
ghair mumkin hai tere ghar ke gulabon ka shumar
mere riste hue zaKHmon ke hisabon ki tarah
Parveen Shakir
ek suraj tha ki taron ke gharane se uTha
aankh hairan hai kya shaKHs zamane se uTha
Parveen Shakir
ek musht-e-KHak aur wo bhi hawa ki zad mein hai
zindagi ki bebasi ka istiara dekhna
Parveen Shakir