naqsha uTha ke koi naya shahr DhunDhiye
is shahr mein to sab se mulaqat ho gai

Nida Fazli

---

---

kuchh log yunhi shahr mein hum se bhi KHafa hain
har ek se apni bhi tabiat nahin milti

Nida Fazli

---

---

kuchh tabiat hi mili thi aisi chain se jine ki surat na hui
jis ko chaha use apna na sake jo mila us se mohabbat na hui

Nida Fazli

---

---

main bhi tu bhi yatri chalti rukti rail
apne apne ganw tak sab ka sab se mel

Nida Fazli

---

---

main roya pardes mein bhiga man ka pyar
dukh ne dukh se baat ki bin chiTThi bin ta

Nida Fazli

---

---

meri ghurbat ko sharafat ka abhi nam na de
waqt badla to teri rae badal jaegi

Nida Fazli

---

---

mere badan mein khule jangalon ki miTTi hai
mujhe sambhaal ke rakhna bikhar na jaun mein

Nida Fazli

---

---

mujh jaisa ek aadmi mera hi hamnam
ulTa sidha wo chale mujhe kare bad-nam

Nida Fazli

---

---

mumkin hai safar ho aasan ab sath bhi chal kar dekhen
kuchh tum bhi badal kar dekho kuchh hum bhi badal kar dekhen

Nida Fazli

---

---