kuchh log yunhi shahr mein hum se bhi KHafa hain
har ek se apni bhi tabiat nahin milti

Nida Fazli

---

---

main roya pardes mein bhiga man ka pyar
dukh ne dukh se baat ki bin chiTThi bin ta

Nida Fazli

---

---

meri ghurbat ko sharafat ka abhi nam na de
waqt badla to teri rae badal jaegi

Nida Fazli

---

---

mere badan mein khule jangalon ki miTTi hai
mujhe sambhaal ke rakhna bikhar na jaun mein

Nida Fazli

---

---

mujh jaisa ek aadmi mera hi hamnam
ulTa sidha wo chale mujhe kare bad-nam

Nida Fazli

---

---

mumkin hai safar ho aasan ab sath bhi chal kar dekhen
kuchh tum bhi badal kar dekho kuchh hum bhi badal kar dekhen

Nida Fazli

---

---

muTThi bhar logon ke hathon mein lakhon ki taqdiren hain
juda juda hain dharm ilaqe ek si lekin zanjiren hain

Nida Fazli

---

---

nainon mein tha rasta hirdai mein tha ganw
hui na puri yatra chhalni ho gae panw

Nida Fazli

---

---

naqsha le kar hath mein bachcha hai hairan
kaise dimak kha gai us ka hindostan

Nida Fazli

---

---