phir na darman ka kabhi nam 'mubarak' lena
kufr hai dard-e-mohabbat ka mudawa karna

Mubarak Azimabadi

---

---

masjid ki sar-e-rah bina Dal na zahid
is rok se hone ke nahin ku-e-butan band

Mubarak Azimabadi

---

---

mehrab-e-ibaadat KHam-e-abru hai buton ka
kar baiThe hain kabe ko musalman faramosh

Mubarak Azimabadi

---

---

mehrbani chaarasazon ki baDhi
jab baDha darman to bimari baDhi

Mubarak Azimabadi

---

---

meri dushwari hai dushwari meri
meri mushkil aap ki mushkil nahin

Mubarak Azimabadi

---

---

milo milo na milo iKHtiyar hai tum ko
is aarzu ke siwa aur aarzu kya hai

Mubarak Azimabadi

---

---

meri KHak bhi uDegi ba-adab teri gali mein
tere aastan se uncha na mera ghubar hoga

Mubarak Azimabadi

---

---

mohabbat mein wafa ki had jafa ki intiha kaisi
'mubarak' phir na kahna ye sitam koi sahe kab tak

Mubarak Azimabadi

---

---

mujh ko malum hai anjam-e-mohabbat kya hai
ek din maut ki ummid pe jina hoga

Mubarak Azimabadi

---

---