main to har har KHam-e-gesu ki talashi lunga
ki mera dil hai tere gesu-e-KHamdar ke pas

Mubarak Azimabadi

---

---

le chala phir mujhe dil yar-e-dil-azar ke pas
ab ke chhoD aaunga zalim ko sitamgar ke pas

Mubarak Azimabadi

---

---

kya kahen kya kya kiya teri nigahon ne suluk
dil mein aain dil mein Thahrin dil mein paikan ho gain

Mubarak Azimabadi

---

---

kuchh is andaz se sayyaad ne aazad kiya
jo chale chhuT ke qafas se wo giraftar chale

Mubarak Azimabadi

---

---

kisi se aaj ka wada kisi se kal ka wada hai
zamane ko laga rakkha hai is ummid-wari mein

Mubarak Azimabadi

---

---

kisi ne barchhiyan marin kisi ne tir mare hain
KHuda rakkhe inhen ye sab karam-farma hamare hain

Mubarak Azimabadi

---

---

kisi ki tamanna nikalti rahi
meri aarzu hath malti rahi

Mubarak Azimabadi

---

---

kis pe dil aaya kahan aaya bata ai naseh
tu meri tarah pareshan kahan jata hai

Mubarak Azimabadi

---

---

khaTak rahi hai koi shai nikal de koi
taDap raha hai dil-e-be-qarar sine mein

Mubarak Azimabadi

---

---