اعجاز جاں دہی ہے ہمارے کلام کو
زندہ کیا ہے ہم نے مسیحا کے نام کو
life-bestowing miracles my poetry can claim
glory I have now restored to the Messiah's name
مومن خاں مومن
آپ کی کون سی بڑھی عزت
میں اگر بزم میں ذلیل ہوا
مومن خاں مومن
دیدۂ حیراں نے تماشا کیا
دیر تلک وہ مجھے دیکھا کیا
مومن خاں مومن
دھو دیا اشک ندامت نے گناہوں کو مرے
تر ہوا دامن تو بارے پاک دامن ہو گیا
مومن خاں مومن
ڈرتا ہوں آسمان سے بجلی نہ گر پڑے
صیاد کی نگاہ سوئے آشیاں نہیں
مومن خاں مومن
چل دئیے سوئے حرم کوئے بتاں سے مومنؔ
جب دیا رنج بتوں نے تو خدا یاد آیا
from the streets of idols fair
to the mosque did I repai
مومن خاں مومن
چارۂ دل سوائے صبر نہیں
سو تمہارے سوا نہیں ہوتا
مومن خاں مومن
بے خود تھے غش تھے محو تھے دنیا کا غم نہ تھا
جینا وصال میں بھی تو ہجراں سے کم نہ تھا
مومن خاں مومن
بہر عیادت آئے وہ لیکن قضا کے ساتھ
دم ہی نکل گیا مرا آواز پا کے ساتھ
مومن خاں مومن