laya hai mera shauq mujhe parde se bahar
main warna wahi KHalwati-e-raaz-e-nihan hun

Mir Taqi Mir

---

---

laga na dil ko kahin kya suna nahin tu ne
jo kuchh ki 'mir' ka is aashiqi ne haal kiya

Mir Taqi Mir

---

---

le sans bhi aahista ki nazuk hai bahut kaam
aafaq ki is kargah-e-shishagari ka

breathe here softly as with fragility here all is fraught
in this workshop of the world where wares of glass are wrought

Mir Taqi Mir

---

---

lete hi nam us ka sote se chaunk uTThe
hai KHair 'mir'-sahib kuchh tum ne KHwab dekha

Mir Taqi Mir

---

---

likhte ruqa likhe gae daftar
shauq ne baat kya baDhai hai

Mir Taqi Mir

---

---

marka garm to ho lene do KHun-rezi ka
pahle shamshir ke niche hamin ja baiThenge

Mir Taqi Mir

---

---

main jo bola kaha ki ye aawaz
usi KHana-KHarab ki si hai

Mir Taqi Mir

---

---

marg ek mandgi ka waqfa hai
yani aage chalenge dam le ka

Mir Taqi Mir

---

---

marsiye dil ke kai kah ke diye logon ko
shahr-e-dilli mein hai sab pas nishani us ki

Mir Taqi Mir

---

---