koi tum sa bhi kash tum ko mile
muddaa hum ko intiqam se hai

Mir Taqi Mir

---

---

kohkan kya pahaD toDega
ishq ne zor-azmai ki

Mir Taqi Mir

---

---

kuchh ho rahega ishq-o-hawas mein bhi imtiyaz
aaya hai ab mizaj tera imtihan pa

Mir Taqi Mir

---

---

kuchh karo fikr mujh diwane ki
dhum hai phir bahaar aane ki

Mir Taqi Mir

---

---

kuchh nahin sujhta hamein us bin
shauq ne hum ko be-hawas kiya

Mir Taqi Mir

---

---

kya aaj-kal se us ki ye be-tawajjohi hai
munh un ne is taraf se phera hai 'mir' kab ka

Mir Taqi Mir

---

---

kya jaanun chashm-e-tar se udhar dil ko kya hua
kis ko KHabar hai 'mir' samundar ke par ki

Mir Taqi Mir

---

---

kya kahen kuchh kaha nahin jata
ab to chup bhi raha nahin jata

Mir Taqi Mir

---

---

kya kahun tum se main ki kya hai ishq
jaan ka rog hai bala hai ishq

what can I say of love to thee
soul's ailment and calamity

Mir Taqi Mir

---

---