aah qasid to ab talak na phira
dil dhaDakta hai kya hua hoga

Meer Mohammadi Bedar

---

---

aap ko aap mein nahin pata
ji mein yan tak mere samae ho

Meer Mohammadi Bedar

---

---

abas mal mal ke dhota hai tu apne dast-e-nazuk ko
nahin jaane ki surKHi hath se KHun-e-shahidan ki

Meer Mohammadi Bedar

---

---

agar chali hai to chal yun ki pat bhi na hile
KHalal na lae saba tu faragh mein gul ke

Meer Mohammadi Bedar

---

---

ajab ki sahiri us man-haran ki chashm-e-fattan ne
diya kajal siyahi le ke aankhon se ghazalan ki

Meer Mohammadi Bedar

---

---

apne upar tu rahm kar zalim
dekh mat bar bar aaina

Meer Mohammadi Bedar

---

---

ayan hai shakl teri yun hamare sina se
ki jun sharab numayan ho aabgina se

Meer Mohammadi Bedar

---

---

ap ka hai faKHr wo beTa ki rakhta ho kamal
dekh aaine ko farzand-e-rashid-e-sang hai

Meer Mohammadi Bedar

---

---

'bedar' rah-e-ishq kisi se na tai hui
sahra mein qais koh mein farhad rah gaya

Meer Mohammadi Bedar

---

---