tegh-bar-dosh super hath mein daman kardan
ye bana surat-e-KHunKHar kahan jata hai

Meer Mohammadi Bedar

---

---

Tuk ai but apne mukhDe se uTha de gosha-e-burqa
ki in masjid-nashinon ko hai dawa din-dari ka

Meer Mohammadi Bedar

---

---

yaad karte hain tujhe dair-o-haram mein shab-o-roz
ahl-e-tasbih juda sahib-e-zunnar juda

Meer Mohammadi Bedar

---

---

ye bhi aana hai koi is se na aana behtar
aae dam bhi na hua kahte ho jaun jaun

Meer Mohammadi Bedar

---

---

gar wo but-e-gulnar-qaba jalwa-numa ho
den KHarqa-e-islam ko ahl-e-haram aatish

Meer Mohammadi Bedar

---

---

aap ko aap mein nahin pata
ji mein yan tak mere samae ho

Meer Mohammadi Bedar

---

---

abas mal mal ke dhota hai tu apne dast-e-nazuk ko
nahin jaane ki surKHi hath se KHun-e-shahidan ki

Meer Mohammadi Bedar

---

---

agar chali hai to chal yun ki pat bhi na hile
KHalal na lae saba tu faragh mein gul ke

Meer Mohammadi Bedar

---

---

ajab ki sahiri us man-haran ki chashm-e-fattan ne
diya kajal siyahi le ke aankhon se ghazalan ki

Meer Mohammadi Bedar

---

---