hum pe sau zulm-o-sitam kijiyega
ek milne ko na kam kijiyega

Meer Mohammadi Bedar

---

---

hawas-o-hosh ko chhoD aap dil gaya us pas
jab ahl-e-fauj hi mil jaen kya sipah kare

Meer Mohammadi Bedar

---

---

ho gae daur mein us chashm ke mai-KHane KHarab
na kahin shisha raha aur na kahin jam raha

Meer Mohammadi Bedar

---

---

hun main wo diwana-e-nazuk-mizaj-e-gul-ruKHan
kijiye zanjir jis ko saya-e-zanjir se

Meer Mohammadi Bedar

---

---

is khel se kah apni mizha se ki baz aae
aalam ko neza-bazi se zer-o-zabar kiya

Meer Mohammadi Bedar

---

---

jata hai chala qafila-e-ashk shab o roz
malum nahin us ka irada hai kahan ka

Meer Mohammadi Bedar

---

---

jate ho sair-e-bagh ko aghyar sath ho
jo hukm ho to ye bhi gunahgar sath ho

Meer Mohammadi Bedar

---

---