داغ اس پہ کہاں تھے یہ گلی ہو کے پھرا ہے
بھیجا تھا جسے یہ وہ کبوتر تو نہیں ہے
خواجہ محمد وزیر لکھنوی
آئیں گے وقت خزاں چھوڑ دے آئی ہے بہار
لے لے صیاد قسم رکھ دے گلستاں سر پر
خواجہ محمد وزیر لکھنوی
چھان ڈالا تمام کعبہ و دیر
اے ہمارے خدا کہاں تو ہے
خواجہ محمد وزیر لکھنوی
بت بھی نہ بھولیں یاد خدا کی بھی کیجیے
پڑھیے نماز کر کے وضو آب گنگ سے
خواجہ محمد وزیر لکھنوی
بے تیرے مجھے دید کا کچھ شوق نہیں ہے
تو پردہ نشیں ہے تو نگہ گوشہ نشیں ہے
خواجہ محمد وزیر لکھنوی
برسوں گل خورشید و گل ماہ کو دیکھا
تازہ کوئی دکھلائے ہمیں چرخ کہن پھول
خواجہ محمد وزیر لکھنوی
بال و پر بھی گئے بہار کے ساتھ
اب توقع نہیں رہائی کی
خواجہ محمد وزیر لکھنوی
اپنے کوچے میں مجھے رونے تو دے اے رشک گل
باغباں پانی ہمیشہ دیتے ہیں گلزار کو
خواجہ محمد وزیر لکھنوی
اے بتو در پردہ تم سے زاہدوں کو بھی ہے عشق
صورت تسبیح پنہاں رکھتے ہیں زنار کو
خواجہ محمد وزیر لکھنوی