wafa iKHlas qurbani mohabbat
ab in lafzon ka pichha kyun karen hum

Jaun Eliya

---

---

us se har-dam moamla hai magar
darmiyan koi silsila hi nahin

Jaun Eliya

---

---

us ne goya mujhi ko yaad rakha
main bhi goya usi ko bhul gaya

Jaun Eliya

---

---

us ke honTon pe rakh ke honT apne
baat hi hum tamam kar rahe hain

Jaun Eliya

---

---

us gali ne ye sun ke sabr kiya
jaane wale yahan ke the hi nahin

Jaun Eliya

---

---

tumhaari yaad mein jine ki aarzu hai abhi
kuchh apna haal sambhaalun agar ijazat ho

Jaun Eliya

---

---

sari gali sunsan paDi thi baad-e-fana ke pahre mein
hijr ke dalan aur aangan mein bas ek saya zinda tha

Jaun Eliya

---

---

oya hun to apne doston mein
par tujh se to hans ke hi mila hun

Jaun Eliya

---

---

sari duniya ke gham hamare hain
aur sitam ye ki hum tumhaare hain

Jaun Eliya

---

---