kaam ki baat main ne ki hi nahin
ye mera taur-e-zindagi hi nahin

Jaun Eliya

---

---

kaise kahen ki tujh ko bhi hum se hai wasta koi
tu ne to hum se aaj tak koi gila nahin kiya

Jaun Eliya

---

---

kal ka din hae kal ka din ai 'jaun'
kash is raat hum bhi mar jaen

Jaun Eliya

---

---

kaun is ghar ki dekh-bhaal kare
roz ek chiz TuT jati hai

Jaun Eliya

---

---

kaun se shauq kis hawas ka nahin
dil meri jaan tere bas ka nahin

Jaun Eliya

---

---

KHamoshi se ada ho rasm-e-duri
koi hangama barpa kyun karen hum

Jaun Eliya

---

---

KHarch chalega ab mera kis ke hisab mein bhala
sab ke liye bahut hun main apne liye zara nahin

Jaun Eliya

---

---

KHuda se le liya jannat ka wade
ye zahid to baDe hi ghag nikle

Jaun Eliya

---

---

KHub hai shauq ka ye pahlu bhi
main bhi barbaad ho gaya tu bhi

Jaun Eliya

---

---