muaf kar na saki meri zindagi mujh ko
wo ek lamha ki main tujh se tang aaya tha
Jaan Nisar Akhtar
itne mayus to haalat nahin
log kis waste ghabrae hain
Jaan Nisar Akhtar
jab lagen zaKHm to qatil ko dua di jae
hai yahi rasm to ye rasm uTha di jae
Jaan Nisar Akhtar
kuchal ke phenk do aankhon mein KHwab jitne hain
isi sabab se hain hum par azab jitne hain
Jaan Nisar Akhtar
log kahte hain ki tu ab bhi KHafa hai mujh se
teri aankhon ne to kuchh aur kaha hai mujh se
Jaan Nisar Akhtar
mana ki rang rang tera pairahan bhi hai
par is mein kuchh karishma-e-aks-e-badan bhi hai
Jaan Nisar Akhtar
main jab bhi us ke KHayalon mein kho sa jata hun
wo KHud bhi baat kare to bura lage hai mujhe
Jaan Nisar Akhtar
ye ilm ka sauda ye risale ye kitaben
ek shaKHs ki yaadon ko bhulane ke liye hain
Jaan Nisar Akhtar
tujhe banhon mein bhar lene ki KHwahish yun ubharti hai
ki main apni nazar mein aap ruswa ho sa jata hun
Jaan Nisar Akhtar