aaj muddat mein wo yaad aae hain
dar o diwar pe kuchh sae hain
aabginon se na Takra pae
kohsaron se to Takrae hain
zindagi tere hawadis hum ko
kuchh na kuchh rah pe le aae hain
sang-rezon se KHazaf-paron se
kitne hire kabhi chun lae hain
itne mayus to haalat nahin
log kis waste ghabrae hain
un ki jaanib na kisi ne dekha
jo hamein dekh ke sharmae hain
Ghazal
Aaj muddat mein wo yaad aae hain
Jaan Nisar Akhtar