hath duniya ka bhi hai dil ki KHarabi mein bahut
phir bhi ai dost teri ek nazar se kam hai

Idris Babar

---

---

han ai ghubar-e-ashna main bhi tha ham-safar tera
pi gain manzilen tujhe kha gae raste mujhe

Idris Babar

---

---

dil ki ek ek KHarabi ka sabab jaante hain
phir bhi mumkin hai ki hum tum se murawwat kar jaen

Idris Babar

---

---

dhul uDti hai to yaad aata hai kuchh
milta-julta tha libaada mera

Idris Babar

---

---

dard ka dil ka sham ka bazm ka mai ka jam ka
rang badal badal gaya ek nazar ke sath sath

Idris Babar

---

---