aankhon se aansuon ke marasim purane hain
mehman ye ghar mein aaen to chubhta nahin dhuan

Gulzar

---

---

aadatan tum ne kar diye wade
aadatan hum ne e'tibar kiya

Gulzar

---

---

aag mein kya kya jala hai shab bhar
kitni KHush-rang dikhai di hai

Gulzar

---

---

aap ke baad har ghaDi hum ne
aap ke sath hi guzari hai

Gulzar

---

---

aap ne auron se kaha sab kuchh
hum se bhi kuchh kabhi kahin kahte

Gulzar

---

---

apne mazi ki justuju mein bahaar
pile patte talash karti hai

Gulzar

---

---

apne sae se chaunk jate hain
umr guzri hai is qadar tanha

Gulzar

---

---

hare hain raat ke reze kuchh aise aankhon mein
ujala ho to hum aankhen jhapakte rahte hain

Gulzar

---

---

chand ummiden nichoDi thin to aahen Tapkin
dil ko pighlaen to ho sakta hai sansen niklen

Gulzar

---

---