apne sae se chaunk jate hain
umr guzri hai is qadar tanha

Gulzar

---

---

aaina dekh kar tasalli hui
hum ko is ghar mein jaanta hai koi

Gulzar

---

---

chand ummiden nichoDi thin to aahen Tapkin
dil ko pighlaen to ho sakta hai sansen niklen

Gulzar

---

---

chulhe nahin jalae ki basti hi jal gai
kuchh roz ho gae hain ab uThta nahin dhuan

Gulzar

---

---

der se gunjte hain sannaTe
jaise hum ko pukarta hai koi

Gulzar

---

---

dil par dastak dene kaun aa nikla hai
kis ki aahaT sunta hun virane mein

Gulzar

---

---

din kuchh aise guzarta hai koi
jaise ehsan utarta hai koi

Gulzar

---

---

ek hi KHwab ne sari raat jagaya hai
main ne har karwaT sone ki koshish ki

Gulzar

---

---

ek sannaTa dabe-panw gaya ho jaise
dil se ek KHauf sa guzra hai bichhaD jaane ka

Gulzar

---

---