chulhe nahin jalae ki basti hi jal gai
kuchh roz ho gae hain ab uThta nahin dhuan

Gulzar

---

---

aaina dekh kar tasalli hui
hum ko is ghar mein jaanta hai koi

Gulzar

---

---

dil par dastak dene kaun aa nikla hai
kis ki aahaT sunta hun virane mein

Gulzar

---

---

din kuchh aise guzarta hai koi
jaise ehsan utarta hai koi

Gulzar

---

---

ek hi KHwab ne sari raat jagaya hai
main ne har karwaT sone ki koshish ki

Gulzar

---

---

ek sannaTa dabe-panw gaya ho jaise
dil se ek KHauf sa guzra hai bichhaD jaane ka

Gulzar

---

---

go barasti nahin sada aankhen
abr to bara mas hota hai

Gulzar

---

---

hath chhuTen bhi to rishte nahin chhoDa karte
waqt ki shaKH se lamhe nahin toDa karte

Gulzar

---

---

hum ne aksar tumhaari rahon mein
ruk kar apna hi intizar kiya

Gulzar

---

---