koi manzil aaKHiri manzil nahin hoti 'fuzail'
zindagi bhi hai misal-e-mauj-e-dariya rah-rau
Fuzail Jafri
kis dard se raushan hai siyah-KHana-e-hasti
suraj nazar aata hai hamein raat gae bhi
Fuzail Jafri
jo bhar bhi jaen dil ke zaKHm dil waisa nahin rahta
kuchh aise chaak hote hain jo juD kar bhi nahin silte
Fuzail Jafri
aaThon pahr lahu mein nahaya kare koi
yun bhi na apne dard ko dariya kare koi
Fuzail Jafri
har aadmi mein the do chaar aadmi pinhan
kisi ko DhunDne nikla koi mila mujh ko
Fuzail Jafri
ghar se bahar nahin nikla jata
raushni yaad dilati hai teri
Fuzail Jafri
ehsas-e-jurm jaan ka dushman hai 'jafari'
hai jism tar tar saza ke baghair bhi
Fuzail Jafri
dil yun to gah gah sulagta hai aaj bhi
manzar magar wo raqs-e-sharar ka nahin raha
Fuzail Jafri
dasht-e-tanhai mein jine ka saliqa sikhiye
ye shikasta baam-o-dar bhi ham-safar ho jaenge
Fuzail Jafri