dekh raftar-e-inqalab 'firaq'
kitni aahista aur kitni tez
Firaq Gorakhpuri
dewtaon ka KHuda se hoga kaam
aadmi ko aadmi darkar hai
Firaq Gorakhpuri
dil-dukhe roe hain shayad is jagah ai ku-e-dost
KHak ka itna chamak jaana zara dushwar tha
Firaq Gorakhpuri
ek muddat se teri yaad bhi aai na hamein
aur hum bhul gae hon tujhe aisa bhi nahin
Firaq Gorakhpuri
ek rangini-e-zahir hai gulistan mein agar
ek shadabi-e-pinhan hai bayabanon mein
Firaq Gorakhpuri
faza tabassum-e-subh-e-bahaar thi lekin
pahunch ke manzil-e-jaanan pe aankh bhar aai
Firaq Gorakhpuri
'firaq' dauD gai ruh si zamane mein
kahan ka dard bhara tha mere fasane mein
Firaq Gorakhpuri
'ghaalib' o 'mir' 'mushafi'
hum bhi 'firaq' kam nahin
Firaq Gorakhpuri
gharaz ki kaT diye zindagi ke din ai dost
wo teri yaad mein hon ya tujhe bhulane mein
Firaq Gorakhpuri