ek rangini-e-zahir hai gulistan mein agar
ek shadabi-e-pinhan hai bayabanon mein
Firaq Gorakhpuri
faza tabassum-e-subh-e-bahaar thi lekin
pahunch ke manzil-e-jaanan pe aankh bhar aai
Firaq Gorakhpuri
'firaq' dauD gai ruh si zamane mein
kahan ka dard bhara tha mere fasane mein
Firaq Gorakhpuri
'ghaalib' o 'mir' 'mushafi'
hum bhi 'firaq' kam nahin
Firaq Gorakhpuri
gharaz ki kaT diye zindagi ke din ai dost
wo teri yaad mein hon ya tujhe bhulane mein
Firaq Gorakhpuri
hum se kya ho saka mohabbat mein
KHair tum ne to bewafai ki
Firaq Gorakhpuri
hazar bar zamana idhar se guzra hai
nai nai si hai kuchh teri rahguzar phir bhi
Firaq Gorakhpuri
ek umr kaT gai hai tere intizar mein
aise bhi hain ki kaT na saki jin se ek raat
Firaq Gorakhpuri
inayat ki karam ki lutf ki aaKHir koi had hai
koi karta rahega chaara-e-zaKHm-e-jigar kab tak
Firaq Gorakhpuri