aae the hanste khelte mai-KHane mein 'firaq'
jab pi chuke sharab to sanjida ho gae
we came to the tavern all gay and frolicsome
now having drunk the wine, somber have become
Firaq Gorakhpuri
isi khanDar mein kahin kuchh diye hain TuTe hue
inhin se kaam chalao baDi udas hai raat
Firaq Gorakhpuri
ishq phir ishq hai jis rup mein jis bhes mein ho
ishrat-e-wasl bane ya gham-e-hijran ho jae
Firaq Gorakhpuri
ishq abhi se tanha tanha
hijr ki bhi aai nahin naubat
Firaq Gorakhpuri
ishq ab bhi hai wo mahram-e-be-gana-numa
husn yun lakh chhupe lakh numayan ho jae
Firaq Gorakhpuri
is daur mein zindagi bashar ki
bimar ki raat ho gai hai
Firaq Gorakhpuri
inayat ki karam ki lutf ki aaKHir koi had hai
koi karta rahega chaara-e-zaKHm-e-jigar kab tak
Firaq Gorakhpuri
ek umr kaT gai hai tere intizar mein
aise bhi hain ki kaT na saki jin se ek raat
Firaq Gorakhpuri
hazar bar zamana idhar se guzra hai
nai nai si hai kuchh teri rahguzar phir bhi
Firaq Gorakhpuri