مایوس دلوں کو اب چھیڑو بھی تو کیا حاصل
ٹوٹے ہوئے پیمانے فریاد نہیں کرتے

فگار اناوی

---

---

پھولوں کو گلستاں میں کب راس بہار آئی
کانٹوں کو ملا جب سے اعجاز مسیحائی

فگار اناوی

---

---

پرتو حسن سے ذرے بھی بنے آئینے
کتنے جلوے کئے ارزاں تری رعنائی نے

فگار اناوی

---

---

میری جبین شوق نے سجدے جہاں کئے
وہ آستاں بنا جو کبھی آستاں نہ تھا

فگار اناوی

---

---

محفل کون و مکاں تیری ہی بزم ناز ہے
ہم کہاں جائیں گے اس محفل سے اٹھ جانے کے بعد

فگار اناوی

---

---

کسی سے شکوۂ محرومئی نیاز نہ کر
یہ دیکھ لے کہ تری آرزو تو خام نہیں

فگار اناوی

---

---

کس کام کا ایسا دل جس میں رنجش ہے غبار ہے کینہ ہے
ہم کو ہے ضرورت اس دل کی سب جس کو کہیں آئینہ ہے

فگار اناوی

---

---

قدم اپنے حریم ناز میں اس شوق سے رکھنا
کہ جو دیکھے مرے دل کو تمہارا آستاں سمجھے

فگار اناوی

---

---

کیا ملا عرض مدعا سے فگارؔ
بات کہنے سے اور بات گئی

فگار اناوی

---

---