mayus dilon ko ab chheDo bhi to kya hasil
TuTe hue paimane fariyaad nahin karte

Figar Unnavi

---

---

phulon ko gulistan mein kab ras bahaar aai
kanTon ko mila jab se ejaz-e-masihai

Figar Unnavi

---

---

partaw-e-husn se zarre bhi bane aaine
kitne jalwe kiye arzan teri ranai ne

Figar Unnavi

---

---

meri jabin-e-shauq ne sajde jahan kiye
wo aastan bana jo kabhi aastan na tha

Figar Unnavi

---

---

mahfil-e-kaun-o-makan teri hi bazm-e-naz hai
hum kahan jaenge is mahfil se uTh jaane ke baad

Figar Unnavi

---

---

kisi se shikwa-e-mahrumi-e-niyaz na kar
ye dekh le ki teri aarzu to KHam nahin

Figar Unnavi

---

---

kis kaam ka aisa dil jis mein ranjish hai ghubar hai kina hai
hum ko hai zarurat us dil ki sab jis ko kahen aaina hai

Figar Unnavi

---

---

qadam apne harim-e-naz mein is shauq se rakhna
ki jo dekhe mere dil ko tumhaara aastan samjhe

Figar Unnavi

---

---

kya mila arz-e-muddaa se 'figar'
baat kahne se aur baat gai

Figar Unnavi

---

---