kabe mein ho ya but-KHane mein hone ko to sar KHam hota hai
hota hai jahan tu jalwa-numa kuchh aur hi aalam hota hai

Figar Unnavi

---

---

qadam qadam pe donon jurm-e-ishq mein sharik hain
nazar ko be-KHata kahun ki dil ko be-KHata kahun

Figar Unnavi

---

---

saqi ne nigahon se pila di hai ghazab ki
rindan-e-azal dekhiye kab hosh mein aaen

Figar Unnavi

---

---

sar-e-mahfil hamare dil ko luTa chashm-e-saqi ne
udhar taqdir gardish mein idhar gardish mein jam aaya

Figar Unnavi

---

---

shikast-e-dil ki har aawaz hashr-asar hoti hai
magar soi hui duniya kahan bedar hoti hai

Figar Unnavi

---

---

tere gham ke samne kuchh gham-e-do-jahan nahin hai
hai jahan tera tasawwur wahan in-o-an nahin hai

Figar Unnavi

---

---

un pe qurban har KHushi kar di
zindagi nazr-e-zindagi kar di

Figar Unnavi

---

---

yaqin-e-wada-e-farda hamein bawar nahin aata
zaban se lakh kahiye aap ke tewar nahin kahte

Figar Unnavi

---

---

aadab-e-ashiqi se to hum be-KHabar na the
diwane the zarur magar is qadar na the

Figar Unnavi

---

---