pahchan jin se thi wo hawale miTa diye
us ne kitab-e-zat ka safha badal diya
Fatima Hasan
makan banate hue chhat bahut zaruri hai
bacha ke sehn mein lekin shajar bhi rakhna hai
Fatima Hasan
main ne pahunchaya use jit ke har KHane mein
meri bazi thi meri mat samajhta hi nahin
Fatima Hasan
main ne man ka libas jab pahna
mujh ko titli ne apne rang diye
Fatima Hasan
aankhon mein na zulfon mein na ruKHsar mein dekhen
mujh ko meri danish mere afkar mein dekhen
Fatima Hasan
koi nahin hai mere jaisa chaaron or
apne gird ek bhiD saja kar tanha hun
Fatima Hasan
kitne achchhe log the kya raunaqen thin un ke sath
jin ki ruKHsat ne hamara shahr suna kar diya
Fatima Hasan
KHwabon par iKHtiyar na yaadon pe zor hai
kab zindagi guzari hai apne hisab mein
Fatima Hasan
kab us ki fath ki KHwahish ko jit sakti thi
main wo fariq hun jis ko ki haar jaana tha
Fatima Hasan