سکون دل کے لیے عشق تو بہانہ تھا
وگرنہ تھک کے کہیں تو ٹھہر ہی جانا تھا

فاطمہ حسن

---

---

میں نے ماں کا لباس جب پہنا
مجھ کو تتلی نے اپنے رنگ دیے

فاطمہ حسن

---

---

میں نے پہنچایا اسے جیت کے ہر خانے میں
میری بازی تھی مری مات سمجھتا ہی نہیں

فاطمہ حسن

---

---

مکاں بناتے ہوئے چھت بہت ضروری ہے
بچا کے صحن میں لیکن شجر بھی رکھنا ہے

فاطمہ حسن

---

---

پہچان جن سے تھی وہ حوالے مٹا دیے
اس نے کتاب ذات کا صفحہ بدل دیا

فاطمہ حسن

---

---

پوری نہ ادھوری ہوں نہ کم تر ہوں نہ برتر
انسان ہوں انسان کے معیار میں دیکھیں

فاطمہ حسن

---

---

رات دریچے تک آ کر رک جاتی ہے
بند آنکھوں میں اس کا چہرہ رہتا ہے

فاطمہ حسن

---

---

ٹھیس کچھ ایسی لگی ہے کہ بکھرنا ہے اسے
دل میں دھڑکن کی جگہ درد ہے اور جان نہیں

فاطمہ حسن

---

---

اس کے پیالے میں زہر ہے کہ شراب
کیسے معلوم ہو بغیر پیے

فاطمہ حسن

---

---