mansur se kam nahin hai wo bhi
jo apni zaban se bolta hai

Farigh Bukhari

---

---

zindagi mein aisi kuchh tughyaniyan aati rahin
bah gain hain umr bhar ki nekiyan dariyaon mein

Farigh Bukhari

---

---

yahi hai daur-e-gham-e-ashiqi to kya hoga
isi tarah se kaTi zindagi to kya hoga

Farigh Bukhari

---

---

yaad aaenge zamane ko misalon ke liye
jaise bosida kitaben hon hawalon ke liye

Farigh Bukhari

---

---

tumhaare sath hi us ko bhi Dub jaana hai
ye jaanta hai musafir tere safine ka

Farigh Bukhari

---

---

safar mein koi kisi ke liye Thaharta nahin
na muD ke dekha kabhi sahilon ko dariya ne

Farigh Bukhari

---

---

pukara jab mujhe tanhai ne to yaad aaya
ki apne sath bahut muKHtasar raha hun main

Farigh Bukhari

---

---

nai manzil ka junun tohmat-e-gumrahi hai
pa-shikasta bhi teri rah mein kahlaya hun

Farigh Bukhari

---

---

mohabbaton ki shikaston ka ek KHaraba hun
KHudara mujh ko girao ki main dobara banun

Farigh Bukhari

---

---