in mein lahu jala ho hamara ki jaan o dil
mahfil mein kuchh charagh farozan hue to hain

Faiz Ahmad Faiz

---

---

ek tarz-e-taghaful hai so wo un ko mubarak
ek arz-e-tamanna hai so hum karte rahenge

Faiz Ahmad Faiz

---

---

ek fursat-e-gunah mili wo bhi chaar din
dekhe hain hum ne hausle parwardigar ke

Faiz Ahmad Faiz

---

---

aae kuchh abr kuchh sharab aae
is ke baad aae jo azab aae

Faiz Ahmad Faiz

---

---

hum se kahte hain chaman wale ghariban-e-chaman
tum koi achchha sa rakh lo apne virane ka nam

Faiz Ahmad Faiz

---

---

hum sahal-talab kaun se farhad the lekin
ab shahr mein tere koi hum sa bhi kahan hai

Faiz Ahmad Faiz

---

---

hum parwarish-e-lauh-o-qalam karte rahenge
jo dil pe guzarti hai raqam karte rahenge

We will nourish the pen and tablet; we will tend them ever
We will write what the heart suffers; we will defend them eve

Faiz Ahmad Faiz

---

---

hum aise sada-dilon ki niyaz-mandi se
buton ne ki hain jahan mein KHudaiyan kya kya

Faiz Ahmad Faiz

---

---

hum ahl-e-qafas tanha bhi nahin har roz nasim-e-subh-e-watan
yaadon se moattar aati hai ashkon se munawwar jati hai

Faiz Ahmad Faiz

---

---