nigah nikli na dil ki chor zulf-e-ambarin nikli
idhar la hath muTThi khol ye chori yahin nikli

Dagh Dehlvi

---

---

nahin khel ai 'dagh' yaron se kah do
ki aati hai urdu zaban aate aate

Dagh Dehlvi

---

---

na-umidi baDh gai hai is qadar
aarzu ki aarzu hone lagi

Dagh Dehlvi

---

---

naseh ne mera haal jo mujh se bayan kiya
aansu Tapak paDe mere be-iKHtiyar aaj

Dagh Dehlvi

---

---

lijiye suniye ab afsana-e-furqat mujh se
aap ne yaad dilaya to mujhe yaad aaya

Dagh Dehlvi

---

---

lazzat-e-ishq ilahi miT jae
dard arman hua jata hai

Dagh Dehlvi

---

---

le chala jaan meri ruTh ke jaana tera
aise aane se to behtar tha na aana tera

Dagh Dehlvi

---

---

lakh dene ka ek dena tha
dil-e-be-muddaa diya tu ne

Dagh Dehlvi

---

---

lipaT jate hain wo bijli ke Dar se
ilahi ye ghaTa do din to barse

by lightning scared, she clings to me
may two days,Lord, this weather be

Dagh Dehlvi

---

---