ye maza tha dil-lagi ka ki barabar aag lagti
na tujhe qarar hota na mujhe qarar hota

Dagh Dehlvi

---

---

ye sair hai ki dupaTTa uDa rahi hai hawa
chhupate hain jo wo sina kamar nahin chhupti

Dagh Dehlvi

---

---

ye to kahiye is KHata ki kya saza
main jo kah dun aap par marta hun main

tell me pray for this crime what punishment is due
if I were to thus declare- I'm dying in love for you

Dagh Dehlvi

---

---

ye to nahin ki tum sa jahan mein hasin nahin
is dil ko kya karun ye bahalta kahin nahin

Dagh Dehlvi

---

---

yun bhi hazaron lakhon mein tum intiKHab ho
pura karo sawal to phir la-jawab ho

Dagh Dehlvi

---

---

yun mere sath dafn dil-e-be-qarar ho
chhoTa sa ek mazar ke andar mazar ho

Dagh Dehlvi

---

---

zalim ne kya nikali raftar rafta rafta
is chaal par chalegi talwar rafta rafta

Dagh Dehlvi

---

---

zamana dosti par in hasinon ki na itrae
ye aalam-dost aksar dushman-e-alam bhi hote hain

Dagh Dehlvi

---

---

zamane ke kya kya sitam dekhte hain
hamin jaante hain jo hum dekhte hain

Dagh Dehlvi

---

---