wafa karenge nibahenge baat manenge
tumhein bhi yaad hai kuchh ye kalam kis ka tha

Dagh Dehlvi

---

---

waiz baDa maza ho agar yun azab ho
dozaKH mein panw hath mein jam-e-sharab ho

Dagh Dehlvi

---

---

wada jhuTa kar liya chaliye tasalli ho gai
hai zara si baat KHush karna dil-e-nashad ka

Dagh Dehlvi

---

---

tadbir se qismat ki burai nahin jati
bigDi hui taqdir banai nahin jati

Dagh Dehlvi

---

---

sunai jati hain dar-parda galiyan mujh ko
kahun jo main to kahe aap se kalam nahin

Dagh Dehlvi

---

---

tabiat koi din mein bhar jaegi
chaDhi hai ye naddi utar jaegi

Dagh Dehlvi

---

---

sun ke mera fasana unhen lutf aa gaya
sunta hun ab ki roz talab qissa-KHwan ki hai

Dagh Dehlvi

---

---

tamasha-e-dair-o-haram dekhte hain
tujhe har bahane se hum dekhte hain

Dagh Dehlvi

---

---

Thokar bhi rah-e-ishq mein khani zarur hai
chalta nahin hun rah ko hamwar dekh ka

Dagh Dehlvi

---

---