wo zamana bhi tumhein yaad hai tum kahte the
dost duniya mein nahin 'dagh' se behtar apna
Dagh Dehlvi
ye to kahiye is KHata ki kya saza
main jo kah dun aap par marta hun main
tell me pray for this crime what punishment is due
if I were to thus declare- I'm dying in love for you
Dagh Dehlvi
ye sair hai ki dupaTTa uDa rahi hai hawa
chhupate hain jo wo sina kamar nahin chhupti
Dagh Dehlvi
ye maza tha dil-lagi ka ki barabar aag lagti
na tujhe qarar hota na mujhe qarar hota
Dagh Dehlvi
ye gustaKHi ye chheD achchhi nahin hai ai dil-e-nadan
abhi phir ruTh jaenge abhi to man ke baiThe hain
Dagh Dehlvi
wo jab chale to qayamat bapa thi chaaron taraf
Thahar gae to zamane ko inqalab na tha
Dagh Dehlvi
wo jate hain aati hai qayamat ki sahar aaj
rota hai duaon se gale mil ke asar aaj
Dagh Dehlvi
ye to nahin ki tum sa jahan mein hasin nahin
is dil ko kya karun ye bahalta kahin nahin
Dagh Dehlvi
wo kahte hain kya zor uThaoge tum ai 'dagh'
tum se to mera naz uThaya nahin jata
Dagh Dehlvi