تم بن چاند نہ دیکھ سکا ٹوٹ گئی امید
بن درپن بن نین کے کیسے منائیں عید

بیکل اتساہی

---

---

کواڑ بند کرو تیرہ بختو سو جاؤ
گلی میں یوں ہی اجالوں کی آہٹیں ہوں گی

بیکل اتساہی

---

---

لوگ تو جا کے سمندر کو جلا آئے ہیں
میں جسے پھونک کر آیا وہ مرا گھر نکلا

بیکل اتساہی

---

---

نہ جانے کون سا نشہ ہے ان پہ چھایا ہوا
قدم کہیں پہ ہیں پڑتے کہیں پہ چلتے ہیں

بیکل اتساہی

---

---

نشتر چاہے پھول سے برف سے مانگے خون
دھوپ کھلائے چاند کو اندھے کا قانون

بیکل اتساہی

---

---

پیسے کی بوچھار میں لوگ رہے ہمدرد
بیت گئی برسات جب موسم ہو گیا سرد

بیکل اتساہی

---

---

ٹرین چلی تو چل پڑے کھیتوں کے سب جھاڑ
بھاگ رہے ہیں ساتھ ہی جنگل اور پہاڑ

بیکل اتساہی

---

---

یوں تو کئی کتابیں پڑھیں ذہن میں مگر
محفوظ ایک سادہ ورق دیر تک رہا

بیکل اتساہی

---

---

وہ تھے جواب کے ساحل پہ منتظر لیکن
سمے کی ناؤ میں میرا سوال ڈوب گیا

بیکل اتساہی

---

---