ہم بھٹکتے رہے اندھیرے میں
روشنی کب ہوئی نہیں معلوم

بیکل اتساہی

---

---

فرش تا عرش کوئی نام و نشاں مل نہ سکا
میں جسے ڈھونڈھ رہا تھا مرے اندر نکلا

بیکل اتساہی

---

---

فرشتے دیکھ رہے ہیں زمین و چرخ کا ربط
یہ فاصلہ بھی تو انساں کی ایک جست لگے

بیکل اتساہی

---

---

دور حاضر کی بزم میں بیکلؔ
کون ہے آدمی نہیں معلوم

بیکل اتساہی

---

---

چاندی کے گھروندوں کی جب بات چلی ہوگی
مٹی کے کھلونوں سے بہلائے گئے ہوں گے

بیکل اتساہی

---

---

بیچ سڑک اک لاش پڑی تھی اور یہ لکھا تھا
بھوک میں زہریلی روٹی بھی میٹھی لگتی ہے

بیکل اتساہی

---

---

بیکلؔ جی کس فکر میں بیٹھے ہو من مار
کاغذ کی اک اوٹ ہے زنداں کی دیوار

بیکل اتساہی

---

---

بدن کی آنچ سے سنولا گئے ہیں پیراہن
میں پھر بھی صبح کے چہرے پہ شام لکھتا ہوں

بیکل اتساہی

---

---

عزم محکم ہو تو ہوتی ہیں بلائیں پسپا
کتنے طوفان پلٹ دیتا ہے ساحل تنہا

بیکل اتساہی

---

---