مجھے دشمن سے اپنے عشق سا ہے
میں تنہا آدمی کی دوستی ہوں

باقر مہدی

---

---

جانے کیوں ان سے ملتے رہتے ہیں
خوش وہ کیا ہوں گے جب خفا ہی نہیں

باقر مہدی

---

---

کافری عشق کا شیوہ ہے مگر تیرے لیے
اس نئے دور میں ہم پھر سے مسلماں ہوں گے

باقر مہدی

---

---

کبھی تو بھول گئے پی کے نام تک ان کا
کبھی وہ یاد جو آئے تو پھر پیا نہ گیا

باقر مہدی

---

---

میرے صنم کدے میں کئی اور بت بھی ہیں
اک میری زندگی کے تمہیں راز داں نہیں

باقر مہدی

---

---

سیلاب زندگی کے سہارے بڑھے چلو
ساحل پہ رہنے والوں کا نام و نشاں نہیں

باقر مہدی

---

---

یہ سوچ کر تری محفل سے ہم چلے آئے
کہ ایک بار تو بڑھ جائے حوصلہ دل کا

باقر مہدی

---

---

یہ کس جگہ پہ قدم رک گئے ہیں کیا کہیے
کہ منزلوں کے نشاں تک مٹا کے بیٹھے ہیں

باقر مہدی

---

---

جانے کن مشکلوں سے جیتے ہیں
کیا کریں کوئی مہرباں نہ رہا

باقر مہدی

---

---